საქართველო, რომელსაც არ გააჩნია იმდენი რესურსი, რომ ფიზიკურად დაიცვას თავი, თავის პოლიტიკას გეგმავს ვითარების სიღრმისეული ანალიზიდან გამომდინარე, – განაცხადა გადაცემაში „იმედი LIVE“ პარლამენტის თავმჯდომარის პირველმა მოადგილემ გიორგი ვოლსკიმ აშშ-ის საელჩოს მიერ გავრცელებულ განცხადებაზე საუბრისას.
„ბიძინა ივანიშვილი აშშ-ის საელჩოს განცხადებას პასუხობს ძალიან ჩამოყალიბებულად. მზად იყო წინა ელჩთან შესახვედრად გარკვეულ საკითხებზე. ამ შემთხვევაშიც მზად ვართ ყველაფრისთვის. არც ერთი ნაბიჯი არ გადაგვიდგამს ჩვენ აშშ-ის ინტერესების საწინააღმდეგოდ, მუდმივად გვერდში ვედექით. არც ერთი ნაბიჯი არ გადადგმულა რუსეთის ინტერესების გაძლიერებისთვის სამხრეთ კავკასიაში, რაც სააკაშვილმა უზრუნველყო რუსებისთვის. ამ ვითარებაში სალაპარაკოც ბევრი გვაქვს“, – აღნიშნა გიორგი ვოლსკიმ.