“არაერთხელ ვთქვით რომ ჩვენთვის უკრაინის ნატოში გაწევრიანება დღის წესრიგში არ დგას და არც ერთადერთი ქვეყანა ვართ ვინც ასე ფიქრობს”

აშშ-ის პრეზიდენტის სპეციალურმა წარმომადგენელმა, კიტ კელოგმა განაცხადა, რომ რუსეთის შეშფოთება ნატოს აღმოსავლეთით გაფართოების გამო სამართლიანია.

„ვფიქრობ, ეს სამართლიანი შეშფოთებაა. ჩვენ არაერთხელ ვთქვით, რომ ჩვენთვის უკრაინის ნატოში გაწევრიანება დღის წესრიგში არ დგას, და არც ერთადერთი ქვეყანა ვართ, ვინც ასე ფიქრობს. იცით, ალბათ, შემიძლია დაგისახელოთ ნატოს ოთხი ქვეყანა, თუმცა ნატოში გასაწევრიანებლად 32-დან 32-ის თანხმობაა საჭირო. და ჩვენ ვნახეთ, როგორ ამბობდნენ სხვა ქვეყნები: „ჩვენ ამაში არც ისე დარწმუნებულები ვართ“, – აღნიშნა კიტ კელოგმა.