აშშ-ის პრეზიდენტმა, დონალდ ტრამპმა განაცხადა, რომ ოვალურ ოფისში ილონ მასკთან ერთად ბოლო პრესკონფერენციას გამართავს.
როგორც ტრამპმა აღნიშნა, ილონ მასკი შესანიშნავი ადამიანია და ყოველთვის მათ გვერდით დარჩება.
„ეს იქნება ილონ მასკის ბოლო დღე, მაგრამ სინამდვილეში არა, რადგან ის ყოველთვის იქნება ჩვენთან, ყველანაირად დაგვეხმარება. ილონი შესანიშნავია! შევხვდებით ხვალ თეთრ სახლში“, – წერს ტრამპი სოციალურ ქსელში.
მასკის 130-დღიანი მანდატი ტრამპის ადმინისტრაციაში 30 მაისს ამოიწურა. ადმინისტრაციის წარმომადგენლის განცხადებით, მასკი განაგრძობს მუშაობას პრეზიდენტის არაოფიციალური მრჩევლის პოზიციაზე.
ცნობისთვის, ილონ მასკი ტრამპის ადმინისტრაციაში სამთავრობო ეფექტიანობის დეპარტამენტის (DOGE) ხელმძღვანელობდა, რომლის მიზანი ხარჯების შემცირება იყო.
კომენტარები