პარლამენტის დროებითი საგამოძიებო კომისიის სხდომაზე, 2009 წლის 15 ივნისის აქციის დარბევასთან დაკავშირებით „ნაცმოძრაობის“ რეჟიმის დაზარალებულ, გიორგი ჩითარიშვილს უსმენენ.
პარლამენტის საგამოძიებო კომისიის თავმჯდომარის, თეა წულუკიანის კითხვას, სურვილის შემთხვევაში შეეძლო თუ არა მოსამართლეს 19-20 წლის დასისხლიანებული, დასახიჩრებული ახალგაზრდების რაღაცნაირად დახსნა, ჩითარიშვილმა უპასუხა, რომ „ნაცმოძრაობის“ რეჟიმის დროს სასამართლოს აბსოლუტურად არაფერს არ ეკითხებოდნენ.
„არ მინდა რომ გამოვიდეს, რომ მოსამართლეს ვამართლებ ან რაღაცა, მაგრამ არავინ არ ეკითხებოდა, ისეთი განწყობა იყო, ისეთი სიტუაცია იყო, ალბათ ვერ შეძლებდა, იმიტომ, რომ არავინ არ ეკითხებოდა. სასამართლო პროცესი არც შემდგარა, პირდაპირ გამოგვიცხადეს რაც გვეკუთვნოდა. იცით რა შეძლებდა რა თქმა უნდა, მაგრამ მერე მოსამართლის თუნდაც კარიერულ საკითხს რა ბედი ეწეოდა ეს კიდევ სხვა ამბავია“, – განაცხადა გიორგი ჩითარიშვილმა.