“გაკოტრებული ოპოზიცია ფონს გასვლას, დეზინფორმაციის გავრცელებით ცდილობს”

„გაკოტრებული ოპოზიცია ფონს გასვლას, დეზინფორმაციის გავრცელებით ცდილობს, დღეს ახალი ფეიკი გაავრცელეს, თითქოს მიშა მესხი პრეზიდენტ მიხეილ ყაველაშვილის მრჩევლად დაინიშნა. მიშა მესხის პრეზიდენტის მრჩევლად დანიშვნა მოკლე ფეხებიანი ტყუილია“,- წერს სოციალურ ქსელში ექსპერტი დავით ჩიხელიძე გავრცელებულ ცრუ ინფორმაციასთან დაკავშირებით, რომლის მიხედვითაც, თითქოს მიშა მესხი კულტურის საკითხებში პრეზიდენტის მრჩევლად დაინიშნა.

ჩიხელიძე აღნიშნავს, რომ მესხმა საგამოძიებო კომისიაზე ამხილა „ნაცმოძრაობის“ რეჟიმი და სწორედ ეს გახდა მის შესახებ ცრუ ინფორმაციის გავრცელების მთავარი მიზეზი

„გაკოტრებული ოპოზიცია ფონს გასვლას, დეზინფორმაციის გავრცელებით ცდილობს, დღეს ახალი ფეიკი გაავრცელეს, თითქოს მიშა მესხი პრეზიდენტ მიხეილ ყაველაშვილის მრჩევლად დაინიშნა. მიშა მესხის პრეზიდენტის მრჩევლად დანიშვნა მოკლეფეხებიანი ტყუილია, მაგრამ თუნდაც სიმართლე იყოს, მიშა მესხს ქვეყნის მოღალატეების და გამყიდველების დასაცინი რა სჭირს?
მიშა მესხმა, საგამოძიებო კომისიაზე კიდევ ერთხელ ამხილა ნაციონალური მოძრაობის რეჟიმი, სწორედ საგამოძიებო კომისიაზე მის მიერ თქმული სიმართლე გახდა მიშა მესხის გაშავების მიზეზი. ოდითგანვე ასეა ნაციონალურ მოძრაობას სძულს ყველა, ვინც მათ სისხლიან რეჟიმს ამხელს და მათი გასამართლების გზაზე ერთ აგურს მაინც დადებს.
მიშა მესხს პირადად არ ვიცნობ, თუმცა საქართველო პატარა ქვეყანაა და ვიცი, რომ.ის ღირსეული ადამიანი, რომელსაც უღირსი მეთოდებით ებრძვიან!“,- წერს დავით ჩიხელიძე.