სომხეთის პრემიერ-მინისტრი, ნიკოლ ფაშინიანი სტამბოლში სამუშაო ვიზიტით ჩაფრინდა. ინფორმაციას პრემიერის პრესსამსახური ავრცელებს.
სტამბოლში ფაშინიანისა და თურქეთის პრეზიდენტის, რეჯეფ თაიფ ერდოღანის პირისპირ შეხვედრაა დაგეგმილი. გარდა ამისა, ფაშინიანი სტამბოლში სომხური დიასპორის წარმომადგენლებს შეხვდება.
აღსანიშნავია, რომ გუშინ თურქეთში აზერბაიჯანის პრეზიდენტი, ილჰამ ალიევი ჩავიდა.
ცნობისთვის, თურქეთსა და სომხეთს შორის დიპლომატიური ურთიერთობები არ არსებობს. ბოლოს სომხეთის ლიდერი სამუშაო ვიზიტით თურქეთს 2009 წელს სტუმრობდა. მაშინ ანკარაში პრეზიდენტი სერჟ სარგსიანი ჩავიდა.
კომენტარები