ჩინეთის ჰუნანის, ანჰუეის, ჰენანის, გუიჯოუს, გუანსის და ჰუბეის პროვინციის ქალაქებში ძლიერი წყალდიდობაა. ინფორმაციას Reuters-ი ავრცელებს.
სტიქიის დროს დაიტბორა დასახლებული უბნები, საცხოვრებელი სახლები და საავტომობილო გზები.
სტიქიის ზონიდან მოსახლეობის ევაკუაციის მიზნით, სამაშველო ოპერაცია მიმდინარეობს. ხანგრძლივი წვიმით გამოწვეული წყალდიდობის გამო ჩინეთის ექვს რეგიონში განგაშის წითელი დონეა ამოქმედებული.
მოსახლეობას აფრთხილებენ, რომ შტორმის ფონზე, უფრო ძლიერი წყალდიდობებია მოსალოდნელი.
კომენტარები