ისრაელის სამხედრო-საჰაერო ძალებმა ირანზე მიტანილი მორიგი იერიშის დროს ისლამური რევოლუციის გუშაგთა კორპუსის უპილოტო საფრენი აპარატების სარდლობის მეორე ბრიგადის მეთაური, ამინპურ ჯუდაკი მოკლეს. ინფორმაციას ისრაელის თავდაცვის არმია(„ცაჰალი“) ავრცელებს.
„ცაჰალი“ ამტკიცებს, რომ ამინპურ ჯუდაკი ირანის სამხრეთ-დასავლეთიდან ისრაელის მიმართულებით ასეულობით დრონს უშვებდა.
როგორც ისრაელის თავდაცვის არმია აღნიშნავს, მას შემდეგ, რაც 13 ივნისს ებრაელმა სამხედროებმა ირანის ისლამური რევოლუციის გუშაგთა კორპუსის უპილოტო საფრენი აპარატების სარდლობის სარდალი, ტაჰერ პური მოკლეს, ჯუდაკი დრონების ქვედანაყოფით მართვაში მნიშვნელოვან როლს ასრულებდა.
კომენტარები