ჯერ მოდის ძალა და შემდეგ მოდის მშვიდობა, – ამის შესახებ ისრაელის პრემიერ-მინისტრის, ბენიამინ ნეთანიაჰუს განცხადებაშია აღნიშნული, რითაც ის აშშ-ის მიერ ირანის ბირთვული ობიექტების დაბომბვას ეხმაურება.
„პრეზიდენტი ტრამპი და მე ხშირად ვამბობთ: „მშვიდობა ძალის გზით“. ჯერ მოდის ძალა და შემდეგ მოდის მშვიდობა. დღეს პრეზიდენტმა ტრამპმა და აშშ-მა იმოქმედეს დიდი ძალით“, – ნათქვამია ისრაელის პრემიერის განცხადებაში.
ნეთანიაჰუს შეფასებით, ტრამპის გაადწყვეტილება, დარტყმები განახორციელოს ირანის ბირთვულ ობიექტებზე, ისტორიას შეცვლის.
„გილოცავთ, პრეზიდენტო ტრამპ, თქვენი თამამი გადაწყვეტილება, სამიზნეში ამოიღოთ ირანის ბირთვული ობიექტები, შეერთებული შტატების გასაოცარი და მართალი ძალით შეცვლის ისტორიას“, – აღნიშნავს ნეთანიაჰუ.
კომენტარები