“გიორგი გახარიას თხოვნაა რომ საგამოძიებო კომისიაზე დისტანციურად ჩართვა მოხდეს და ამის საშუალებას მივცემთ, იქნებ აქ მაინც აღარ შეეშინდეს”

მისი თხოვნაა, რომ [დისტანციურად] ჩართვა მოხდეს და ამის საშუალებას მივცემთ, იქნებ აქ მაინც აღარ შეეშინდეს, – განაცხადა პარლამენტის დროებითი საგამოძიებო კომისიის წევრმა, გურამ მაჭარაშვილმა გიორგი გახარიას საგამოძიებო კომისიაზე დაბარებასთან დაკავშირებით.

„გახარიას პრაქტიკულად უჭირს იმ კითხვებზე პასუხების გაცემა რასაც ჰქვია ერთპიროვნულად მიღებული გადაწყვეტილება საგუშაგოს დადგმასთან დაკავშირებით. გასაგებია რატომაც გაიქცა უწყების ჩაბარების შემდგომ უცხოეთში, რატომაც არ ჩამოდის, რომ ფიზიკურად მოვიდეს კომისიაზე, მაგრამ რამდენადაც ვიცით, მისი თხოვნაა, რომ [დისტანციურად] ჩართვა მოხდეს და ამის საშუალებას მივცემთ, იქნებ აქ მაინც აღარ შეეშინდეს“, – აღნიშნა მაჭარაშვილმა.