რადიკალურ ოპოზიციაში დაპირისპირებაა და საქმე ისე მიდის, რომ შეიძლება, შუამავლის როლის შესრულება ჩვენ მოგვიწიოს, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მისი თქმით, საზოგადოება მშვიდობას და თანასწორობას ემხრობა, რაც მოცემულობაა და რაც არ უნდა ამოხტდნენ ტუფლებიდან, ამას ვერ შეცვლიან.
„რადიკალურ ოპოზიციაში დაპირისპირებაა და საქმე ისე მიდის, რომ შეიძლება, შუამავლის როლის შესრულება ჩვენ მოგვიწიოს. იქნებ, ეს ხალხი შევარიგოთ, ერთმანეთი არ დახოცონ. რამენაირად უნდა მორიგდნენ, არჩევნებში ვიღაც მონაწილეობას მიიღებს და ვიღაც – არა. მეგობრებო, ერთმანეთი არ დახოცოთ, შეგვიძლია, შუამდგომლობა გაგიწიოთ, როგორმე შეთანხმდეთ. საზოგადოება მშვიდობას და თანასწორობას ემხრობა, რაც მოცემულობაა და რაც არ უნდა ამოხტდნენ ტუფლებიდან, ამას ვერ შეცვლიან“, – განაცხადა გურამ მაჭარაშვილმა.