ამერიკის წარმომადგენელთა პალატის „რესპუბლიკური“ პარტიის წევრის, ანა პაულინა ლუნას თქმით, უკრაინა ამერიკის მიერ მიწოდებულ იარაღს შავ ბაზარზე ყიდის, მილიარდობით დოლარს კი, ათეთრებს.
ანა პაულინა ლუნა სოციალურ ქსელში წერს, რომ კიევისთვის დამატებითი დაფინანსების მიწოდებას მხარს არ დაუჭერს.
ამერიკელი კანონმდებელი უკრაინის პრეზიდენტს, ვოლოდიმირ ზელენსკის არჩევნების გაუქმებასა და თეთრი სახლის ლიდერის შეურაცხყოფაშიც ადანაშაულებს.
„უკრაინისთვის დამატებით დაფინანსებას მხარს არ დავუჭერ. ზელენსკიმ არჩევნები გააუქმა. წყაროები ამბობენ, რომ ამერიკული იარაღი შავ ბაზარზე იყიდება. ზელენსკი ჩვენს პრეზიდენტსა და ვიცე-პრეზიდენტს უპატივცემულოდ მოექცა. იქ მილიარდებს ათეთრებენ. ამერიკელ ჟურნალისტებს შავ სიაში წერენ. მშვიდობა ერთადერთი გამოსავალია. მშვიდობა კი მათთვის მეტი იარაღის მიწოდებით არ მოხდება“, – დაწერა მან.