რუსეთის პრეზიდენტის პრესმდივნის, დიმიტრი პესკოვის განცხადებით, უკრაინის კრიზისის პოლიტიკურ-დიპლომატიური გზებით მოგვარება ჯერ შეუძლებელია, ამიტომ მოსკოვი სამხედრო ოპერაციას განაგრძობს.
როგორც პესკოვმა აღნიშნა, გუშინ ვლადიმერ პუტინმა აშშ-ის პრეზიდენტთან, დონალდ ტრამპთან სატელეფონო საუბრის დროს განაცხადა, რომ რუსეთი კრიზისის პოლიტიკურ-დიპლომატიური გზით მოგვარების მომხრეა.
„საუბრის დროს პრეზიდენტმა პუტინმა გაიმეორა, რომ ჩვენ დაინტერესებულნი ვართ იმაში, რომ სპეციალური სამხედრო ოპერაციის მიზნებს მივაღწიოთ, და სასურველია, რომ ეს პოლიტიკურ-დიპლომატიური საშუალებებით მოხდეს. მაგრამ ახლა ეს შეუძლებელია, ჩვენ სპეციალურ სამხედრო ოპერაციას ვაგრძელებთ“, – თქვა პესკოვმა.
კომენტარები