ტეხასის შტატში წყალდიდობას მსხვერპლი მოჰყვა.
„ბიბისის“ ცნობით, ტეხასის ცენტრალურ ნაწილში წყალდიდობის შედეგად რამდენიმე ადამიანი დაიღუპა. არიან უგზო-უკვლოდ დაკარგულებიც. დაღუპულთა და დაკარგულთა ზუსტი რიცხვი ჯერ უცნობია.
რამდენიმე რეგიონი სტიქიური უბედურების ზონად გამოცხადდა.
ადგილზე მუშაობენ მაშველები. მიმდინარეობს მოქალაქეთა ევაკუაცია.
დატბორილია საავტომობილო გზები. რამდენიმე ხიდი წყალმა დააზიანა.
ტეხასის გუბერნატორის თქმით, შტატის ხელისუფლება ყველაფერს აკეთებს დაზარალებული დასახლებების მცხოვრებლების დასახმარებლად.
სტიქიური უბედურების ზონაში მცხოვრებ მოქალაქეებს მოუწოდებენ, უსაფრთხო ადგილებზე გადაინაცვლონ.
კომენტარები