არჩევნები ლოტოტრონით – ოპოზიციაში ახალი იდეის ავტორი მურმან დუმბაძეა. დუმბაძემ მის ინიციატივაზე ერთ-ერთ სატელევიზიო ინტერვიუში ისაუბრა და თქვა, რომ უმთავრესი მოთხოვნა დროებითი მთავრობის დანიშვნა უნდა იყოს, რომელიც ცესკოს ნაწილობრივ დააკომპლექტებს და არჩევნებს ლოტოტრონის პრინციპით ჩაატარებს.
უმრავლესობაში მურმან დუმბაძის ინიციატივას არ იზიარებენ.
“ის სად წავიდა, ბურჭულაძე?.. გადაიფიქრა მობილურით რომ არჩევნებს გვიტარებს სტადიონზე?! ოღონდ უნდა დავუქირავოთ ჩვენ, ფულს ვაგროვებთ ახლა, რომ პაიჭაძის სტადიონი დავუქირავოთ, მობილურების დასატენებიც, ვიღაცას შეიძლება გამოერთოს და ვერ მიიღოს მონაწილეობა.
ახლა გამოუჩნდა კონკურენტი – მე-10 მე-11 კლასელები დავასაქმოთო, მემგონი მე-12-ც დაამატა, დავასაქმოთო, ლოტოტრონიო. გიჟების დოღია. აქ რა უნდა ილაპარაკო, სერიოზულად რა უნდა უთხრა?!“ – აცხადებს ირაკლი ზარქუა.