ეს არის რიგით უკვე მერამდენე, სარეკომენდაციო ხასიათის ევრორეზოლუცია, რომელიც პრაქტიკული განხორციელების მიზნით განსახილველად ეძლევა ევროკავშირს. უმნიშვნელო გამონაკლისების გარდა, არც ერთი მსგავსი აბსურდული რეკომენდაცია პრაქტიკულ ჭრილში გადაყვანილი არ იქნა, – ასე ეხმიანება ევროპარლამენტის მიერ საქართველოს შესახებ მიღებულ მორიგ რეზოლუციას “ხალხის ძალის” წევრი, დავით ქართველიშვილი, სოციალურ ქსელში.
მისი განცხადებით, უკვე წლებია, რაც საკუთარი თავის და ოჯახის უსაფრთხოების რისკების ფასად, ბიძინა ივანიშვილი საქმით ამტკიცებს, რომ სამშობლოს გასაწირი “ფასი” მისთვის არ არსებობს, ასე რომ, ევროკავშირს “30 ვერცხლის” ამღებიც და მიმცემიც, საკუთარ კორპორაციაში ჰყავს მოსაძებნი.
“ეს არის რიგით უკვე მერამდენე, სარეკომენდაციო ხასიათის ევრორეზოლუცია, რომელიც პრაქტიკული განხორციელების მიზნით განსახილველად ეძლევა ევროკავშირს. უმნიშვნელო გამონაკლისების გარდა, არც ერთი მსგავსი აბსურდული რეკომენდაცია პრაქტიკულ ჭრილში გადაყვანილი არ იქნა. მაგრამ დავუშვათ, რომ ამ ჯერზე ევროკავშირში კორუფციასთან აგორებული (“ფაიზერ-გეითი”) სკანდალის, ეკონომიკური ზრდის ტემპების ვარდნის, საიმიგრაციო და კრიმინალური კატასტროფების გადაფარვის მიზნით – კვლავ ტრადიციულ ანტიქართულ თემას შეაჯდნენ, ამით რა???
მეოთხე წელიწადია ამ სანქციების ქვეშ ისედაც იმყოფება, თუნდაც სანაქებო “საათივით აწყობილი” შვეიცარიული საბანკო სისტემის სარეპუტაციო მსხვერპლშეწირვის ხარჯზე. რითი აშინებენ ადამიანს, რომელმაც საკუთარი უპრეცედენტო საქველმოქმედო “ქეისის” მაგალითზე დიდი ხანია განაცხადა, რომ მისი ფულით დაშინებას არანაირი აზრი არა აქვს. მეთოთხმეტე წელიწადია საკუთარი თავის და ოჯახის უსაფრთხოების რისკების ფასად, ბიძინა ივანიშვილი საქმით ამტკიცებს, რომ სამშობლოს გასაწირი “ფასი” მისთვის არ არსებობს. რომ საკუთარი ხალხის ღალატში “30 ვერცხლი”-ს აღებ/მიმცემი – საკუთარ კორპორაციაში აქვთ მოსაძებნი. სერიოზულ აგონიაში არიან და პოლიტიკურ “პროზექტურამდე” – ორ ნაბიჯში...” – წერს ქართველიშვილი სოციალურ ქსელში.