რუსეთმა და უკრაინამ დაღუპული სამხედროების ცხედრები გაცვალეს.
ამის შესახებ ინფორმაცია რუსეთის პრეზიდენტის თანაშემწემ, ვლადიმირ მედინსკიმ გაავრცელა.
ვლადიმირ მედინსკის ინფორმაციით, რუსეთმა უკრაინას ათასი, ხოლო უკრაინამ მოსკოვს – 19 ჯარისკაცის ცხედარი გადასცა.
მისი თქმით, ცხედრების გაცვლა იმ შეთანხმების ფარგლებში მოხდა, რომელიც სტამბოლის მოლაპარაკებებზე იყო მიღწეული.
ცნობისთვის, სტამბოლის მოლაპარაკებებზე რუსეთი და უკრაინა სამხედრო ტყვეების მასშტაბურ გაცვლაზე შეთანხმდნენ და ერთმანეთს ცეცხლის შეწყვეტისთვის აუცილებელი პირობები წარუდგინეს, თუმცა ზავის მიღწევა ვერ მოხერხდა.
კომენტარები