გამოკითხვის თანახმად, გერმანელთა მხოლოდ 22% მიიჩნევს, რომ ქვეყანაში მდგომარეობა გაუმჯობესდა ფრიდრიხ მერცის კანცლერის თანამდებობაზე მოსვლის შემდეგ. ინფორმაციას ამის შესახებ გერმანული მედია ავრცელებს.
გარდა ამისა, გამოკითხულთა 37% ვერ ხედავს ქვეყანაში ცვლილებებს, ხოლო 32% ფიქრობს, რომ ამ პერიოდში გერმანიის მდგომარეობა გაუარესდა.
ეს ინფორმაცია მოცემულია სოციოლოგიური ინსტიტუტ YouGov-ის მიერ ჩატარებული კვლევის შედეგებში, რომელიც სააგენტო dpa-მ გამოაქვეყნა.
მაისში, ფრიდრიხ მერცის ერთ-ერთი მთავარი დაპირება იყო, რომ ზაფხულამდე ხელშესახები გაუმჯობესება იქნებოდა მიღწეული.
მერცის კიდევ ერთმა ბოლოდროინდელმა განცხადებამ, რომ მისი მთავრობა ბოლო ათწლეულების ერთ-ერთი საუკეთესოა, საზოგადოებაში უფრო მეტი სკეპტიციზმი გამოიწვია.
გამოკითხვის შედეგების მიხედვით, ამ მოსაზრებას მხოლოდ რესპონდენტთა 17% ეთანხმება, ხოლო 71% არ ეთანხმება ან სრულად არ ეთანხმება.