„ბორჯღალოსნების“ მთავარმა მწვრთნელმა, რიჩარდ ქოქრილმა, მსოფლიოს მოქმედ ჩემპიონ სამხრეთ აფრიკასთან მატჩისთვის 23-კაციანი შემადგენლობა დაასახელა.
122-ე კეპს მოიხვეჭს ალექსანდრე თოდუა, რითაც დავით კაჭარავას რეკორდს გაუთანაბრდება. 3 ცვლილებასთან ერთად ძირითადში დაბრუნდა ილია სპანდერაშვილი. უცვლელია შერკინების ძირითადი ბირთვი. ღერძზე კვლავ ვასილ ლობჟანიძე და ლუკა მატკავა იდგებიან, ცენტრში – გიორგი კვესელაძე და დემე თაფლაძე, ფულბეკი – დავით ნინიაშვილი, ფრთებზე კი – აკაკი ტაბუცაძე და ალექსანდრე თოდუა.
საქართველო ხვალინდელ მეტოქეს ოფიციალურ მატჩში აქამდე ორჯერ დაუპირისპირდა და ორივე შეხვედრა დათმო. ხვალინდელი შეხვედრა 19:10 საათზე დაიწყება.
მატჩის პირდაპირ ტრანსლაციას ტრადიციულად ტელეკომპანია „იმედი“ შემოგთავაზებთ.
კომენტარები