დღე არ გათენდება რაღაცა კონფლიქტი ხელახლა არ წამოიწყონ. ახლა ერთი პატარა შეცდომის დაშვება და ჩვენი ომის ქარცეცხლში აღმოჩენა არის ერთი, – განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა.
მისი თქმით, ხელისუფლება არავის მისცემს საშუალებას, რომ ქვეყანა საომარ ვითარებაში აღმოჩნდეს.
„ვიღაცა თავქარიანების ნარატივებით ჩვენ საგარეო ურთიერთობებს ვერ ავაგებთ. ჩვენ მოწყვლადი, მცირერიცხოვანი ქვეყანა ვართ, ტერიტორიულად და გეოგრაფიულად სად ვიმყოფებით ამასაც ვაცნობიერებთ და ამიტომ ვდგამთ მშვიდობის ამ ნაბიჯებს. არავის მივცემთ საშუალებას საქართველოში ისე აურიოს, რომ საბოლოოდ გაახვიონ ომის ქარცეცხლში ჩვენი ქვეყანა“, – აცხადებს შარმანაშვილი.
კომენტარები