საქართველოს შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ს სომხეთის რესპუბლიკის შინაგან საქმეთა მინისტრი არპინე სარგსიანი, საქართველოში 2-დღიანი ოფიციალური ვიზიტის ფარგლებში ეწვია. სომხეთის დელეგაციის წევრები ცენტრის მუშაობის სპეციფიკას გაეცნენ და ინფრასტრუქტურა დაათვალიერეს.
საზოგადოებრივი უსაფრთხოების მართვის ცენტრი 112-ის დირექტორმა – გიორგი არსოშვილმა, სომეხ კოლეგებს 112-ის საქმიანობის ძირითადი მიმართულებების შესახებ დეტალური ინფორმაცია მიაწოდა.
სომხეთის შსს-ს დელეგაციის წევრები ადგილზე გაეცნენ 112-ის გადაუდებელი დახმარების ოპერატიული მართვის, ასევე, საგზაო მოძრაობის უსაფრთხოების უზრუნველყოფისთვის მოქმედი ვიდეომეთვალყურეობის სისტემისა და ოჯახში ძალადობის წინააღმდეგ ეფექტიანი ბრძოლის მიზნით დანერგილ ელექტრონული მონიტორინგის სისტემას.
სომხეთის რესპუბლიკის შინაგან საქმეთა სამინისტროს დელეგაციის წევრებთან ეფრთად, საზოგადოებრივი უსაფრთხოების მართვის ცენტრ 112-ში, საქართველოს შინაგან საქმეთა მინისტრის მოადგილეები – გიორგი ბუთხუზი და ალექსანდრე დარახველიძე იმყოფებოდნენ.
