თურქეთის ქალაქ სტამბოლში ევროპის ახალგაზრდული პარათამაშები მიმდინარეობს. ტურნირზე ქართველი პარასპორტსმენები წარმატებით განაგრძობენ ასპარეზობას. ქართველმა პარატაეკვონდოისტმა სანდრო მეგრელიშვილმა (-70 კგ) ფინალური შეხვედრა თურქ მოწინააღმდეგე მეჰმეთ უნალთან დათმო და ვერცხლის მედალს დაეუფლა.
საქართველოს ნაკრებისთვის მიმდინარე ტურნირზე ეს მეოთხე მედალია. ტურნირზე ჩემპიონობა ქართველმა პარატაეკვონდოისტებმა ანა ჯაფარიძემ და ნატა ოჩიგავამ იზეიმეს, ზაკო მუშკუდიანი კი პარაცურვის ბრინჯაოსმედალოსანი გახდა.
საქართველოს ნაკრები პარასპორტის სამ სახეობაში ცხრა პარაათლეტით არის წარმოდგენილი. ევროპის ახალგაზრდული პარათამაშები 28 ივლისამდე გაგრძელდება.
ქართველი პარასპორტსმენები ტურნირზე ისტორიაში პირველად საქართველოს სპორტის სამინისტროს მხარდაჭერით იმყოფებიან.
კომენტარები