გერმანიის მთავრობამ განაცხადა, რომ აშშ-თან მიღწეული შეთანხმების საფუძველზე უკრაინას Patriot-ის ტიპის ორ ჰაერსაწინააღმდეგო სისტემას გადასცემს. ინფორმაციას Reuters-ი ავრცელებს.
„აშშ-ის ძალისხმევის წყალობით გერმანია უკრაინას ჯერ გამშვებ დანადგარებს გადასცემს, ხოლო შემდეგ Patriot-ის სისტემის დამატებით კომპონენტებს“, – ციტირებს სააგენტო გერმანიის თავდაცვის მინისტრს, ბორის პისტორიუსს.
როგორც Reuters-ი იუწყება, ბუნდესვერი უახლოეს დღეებში უკრაინას Patriot-ის დამატებით გამშვებ დანადგარებს მიაწვდის, ხოლო ორ-სამ თვეში – სისტემის დამატებით კომპონენტებს.
სამაგიეროდ, ბერლინი აშშ-გან Patriot-ის ახალ სისტემებს მიიღებს, რომლებსაც საკუთარი სახსრებით შეიძენს, წერს Reuters-ი.
კომენტარები