რუსეთის პრეზიდენტმა, ვლადიმერ პუტინმა აშშ-ის ლიდერს, დონალდ ტრამპს უპასუხა, რომელიც უკრაინის კონფლიქტის გარშემო მიმდინარე მოლაპარაკებებით უკმაყოფილოა.
კრემლის ლიდერმა ამ კონტექსტში აღნიშნა, რომ ყველა იმედგაცრუება ჭარბი მოლოდინების ბრალია.
„რაც შეეხება რაღაც იმედგაცრუებებს ვინც არ უნდა იყოს, იმის მხრიდან, ყველა იმედგაცრუება ჭარბი მოლოდინების ბრალია“, – აღნიშნა პუტინმა.
მან აგრეთვე განმარტა, რომ უკრაინის კრიზისის გარშემო საჭიროა საგნობრივი მოლაპარაკებების გამართვა. „იმისათვის, რათა საკითხი მშვიდობიანი გზით გადაწყდეს, საჭიროა საგნობრივი მოლაპარაკებების გამართვა… არა საჯაროდ, არამედ წყნარად, მოლაპარაკებების პროცესის მყუდროებაში“, – დასძინა პუტინმა.
კომენტარები