ევროკომისიამ კვლავ უარი თქვა, გაზეთ The New York Times-ის ჟურნალისტებისთვის გადაეცა ევროკომისიის პრეზიდენტის, ურსულა ფონ დერ ლაიენისა და ამერიკული ფარმაცევტული კომპანია Pfizer-ის გენერალური დირექტორის, ალბერტ ბურლას მიმოწერა კორონავირუსის ვაქცინის შესყიდვებთან დაკავშირებით.
„როდესაც ევროკავშირმა 2021 წლის დასაწყისში Pfizer-ის კორონავირუსის ვაქცინის 1.8 მილიარდ დოზამდე შეძენის შესახებ შეთანხმებას მიაღწია, უზარმაზარი ინტერესი გამოიწვია იმან, თუ როგორ დაიდო ეს გარიგება“, – განმარტავს გაზეთი ევროკომისიისთვის მიმართვის მიზეზს.
მოგვიანებით ცნობილი გახდა, რომ გარიგების შესახებ მოლაპარაკებების დროს, ფონ დერ ლაიენი ფარმაცევტული კომპანიის გენერალურ დირექტორს მესენჯერში ტექსტურ შეტყობინებებს უცვლიდა.
„კომისიის პასუხი გულისხმობს, რომ მან გაანადგურა ან დაკარგა შეტყობინებები, მიიჩნია რა ისინი უმნიშვნელოდ და არ ჰქონდა მათი შენახვის ვალდებულება“, – წერს The New York Times-ი თავის ახალ პუბლიკაციაში და აკონკრეტებს, რომ ამ პასუხში ასევე დასტურდება, რომ ტექსტური შეტყობინებები ნამდვილად არსებობდა და „2021 წლის ზაფხულში“ წაკითხული იყო.
ევროკომისიამ სასამართლო დავა წააგო, რომელიც ფარმაცევტულ კონცერნ Pfizer-ის ხელმძღვანელობასთან COVID-19-ის ვაქცინების ევროკავშირისთვის მიწოდების შესახებ მიმოწერას ეხებოდა.
14 მაისს ევროკავშირის სასამართლომ დააკმაყოფილა გაზეთ The New York Times-ის სარჩელი, რომელმაც გააპროტესტა ბრიუსელის უარი, გაესაჯაროებინა ევროკომისიის ხელმძღვანელისა და Pfizer-ის ხელმძღვანელობის შესაბამისი SMS-შეტყობინებები.