უკრაინას სურს, რომ რუსეთთან ომი წელსვე დასრულდეს, – განაცხადა უკრაინის საგარეო საქმეთა მინისტრმა, ანდრეი სიბიგამ ფინურ მედიასთან ინტერვიუში.
მისი თქმით, უკრაინის სურვილის მიუხედავად რუსეთის ფედერაცია სამშვიდობო მოლაპარაკებების იმიტაციას ახდენს, ცდილობს დრო მოიგოს და რაც შეიძლება მეტი ტერიტორიის ოკუპაცია მოახდინოს.
სიბიგამ რუსეთთან მიმართებაში აშშ-ის პრეზიდენტის, დონალდ ტრამპის ულტიმატუმს მხარი დაუჭირა, რომლის თანახმადაც ამერიკას შეუძლია დააწესოს მეორადი სანქციები იმ ქვეყნებს, რომლებიც რუსულ ნავთობს იყიდიან.
უკრაინის პირველი დიპლომატის აზრით, ტრამპია ერთადერთი პოლიტიკოსი, ვისიც კრემლის ლიდერს ეშინია. ახლა მთელი მსოფლიო უყურებს, შეასრულებს თუ არა ის თავის მუქარებს მოსკოვის წინააღმდეგ.
„სანქციები რუსული ეკონომიკისთვის უნდა იყოს დამანგრეველი. მათ ხელი უნდა შეუშალონ რუსეთს გამოკვებოს თავისი სამხედრო მანქანა და ივაჭროს მესამე ქვეყნებთან“, – აღნიშნა სიბიგამ.