წარვადგენთ თბილისში მაჟორიტარობის კანდიდატებს, ადამიანებს, რომლებიც გამორჩეული არიან თავიანთი პროფესიონალიზმით, თავიანთი წარსულითა და აწმყოთი, – განაცხადა პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ მმართველი პარტიის მიერ ადგილობრივი თვითმმართველობის არჩევნებისთვის მზადებაზე საუბრისას.
„რა თქმა უნდა, პირველ რიგში ისინი გამორჩეული არიან თავისი კეთილსინდისიერებით და სურვილით, რომ თბილისის მოსახლეობაზე იზრუნონ და შესაბამისად, დარწმუნებული ვართ, მათ ექნებათ თბილისელების უმრავლესობის მხარდაჭერა და ისინი დამაჯერებელ გამარჯვებას მოიპოვებენ.
ზუსტად ანალოგიურად, ანალოგიური პრინციპით შერჩეულები არიან სხვადასხვა მუნიციპალიტეტში, მერობისა და საკრებულოს წევრობის კანდიდატები“, – განაცხადა გორდულაძემ.
მმართველი პარტია ადგილობრივი თვითმმართველობის არჩევნებისთვის მზადებას განაგრძობს. დღეს „ქართული ოცნება“ თბილისის მაჟორიტარობის 25 კანდიდატს წარადგენს.