შეწყვიტონ ორმაგი სტანდარტებით მოქმედება – ასე ეხმიანება საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი შვედეთში ამოქმედებულ ახალ კანონს, რომელიც ითვალისწინებს საჯარო მოხელეების შეურაცხყოფისთვის სისხლისსამართლებრივი პასუხისმგებლობის დაკისრებას.
„ევროკავშირის წევრი ქვეყანა იღებს იმ საკანონმდებლო სივრცეს, რომელსაც თვლის აუცილებლად და საკმაოდ სამართლიანადაც, შვედეთში მოქმედი საჯარო მოხელეების დასაცავად, ხოლო, როდესაც საქართველო იღებს ასეთ საკანონმდებლო სივრცეს და აამოქმედებს მას, ეს ყველაფერი ევროკავშირისთვის, კონკრეტულად ამ ქვეყნისთვის [შვედეთი] და მათი წარმომადგენლებისთვის, თურმე არის ანტიდემოკრატიული და ის საქართველოს ევროკავშირთან აშორებს“, – აღნიშნა დავით მათიკაშვილმა.
კომენტარები