“ისინი არიან უმძიმეს მდგომარეობაში. ფიზიკურად ვერ ახერხებენ კანდიდატის მოძებნას, რომელსაც შესთავაზებენ საზოგადოებას და საზოგადოება ამ კანდიდატს მიიღებს” – ეს განცხადება პარლამენტის საფინანსო-საბიუჯეტო კომიტეტის თავმჯდომარის პირველმა მოადგილემ, ირაკლი ხელაძემ ოპოზიციის შესახებ საუბრისას გააკეთა.
მისი თქმით, არსებითი მნიშვნელობა არ აქვს, ოპოზიცია ვისზე გააკეთებს არჩევანს.
“ისინი არიან უმძიმეს მდგომარეობაში. ფიზიკურად ვერ ახერხებენ კანდიდატის მოძებნას, რომელსაც შესთავაზებენ საზოგადოებას და საზოგადოება ამ კანდიდატს მიიღებს. დღეის მდგომარეობით, არსებითი მნიშვნელობა არ აქვს, ვისზე გააკეთებენ არჩევანს, შესაბამისად, ისინი განწირული არიან დამარცხებისთვის. მერაბ სეფაშვილი არის გამორჩეული მიშისტი, მას ბევრჯერ ჰქონდა ამის მცდელობა, რომ ნაცებისთვის ერთგულება სხვადასხვა ფორმებით დაემტკიცებინა. ხან უმღეროდა მიშა სააკაშვილს, ხან ლექსებს უძღვნიდა. შესაბამისად, დღეს უკვე ვფიქრობ, რომ ნაციონალების პოლიტიკური დრო საქართველოში დასრულებულია,” – აცხადებს ირაკლი ხელაძე.