ვფიქრობ, ამერიკელებს მოჰბეზრდათ უკრაინაში მიმდინარე კონფლიქტისთვის თავიანთი ფულის, გადასახადების გადამხდელთა დოლარების გაგზავნა, – განაცხადა აშშ-ის ვიცე-პრეზიდენტმა, ჯეი დი ვენსმა ტელეკომპანია Fox News-თან ინტერვიუში.
აშშ-ის ვიცე-პრეზიდენტის თქმით, ევროპელები მზად უნდა იყონ, უფრო პირდაპირი და არსებითი როლი შეასრულონ და თავად დააფინანსონ უკრაინაში მიმდინარე ომი.
„პრეზიდენტი და ვფიქრობ, ამერიკა, ჩვენ დავიღალეთ უკრაინის ომის დაფინანსებით. ჩვენ გვსურს მშვიდობიანი დარეგულირება, გვსურს, შევაჩეროთ მკვლელობები. ვფიქრობ, ამერიკელებს მოჰბეზრდათ ამ კონფლიქტისთვის თავიანთი ფულის, გადასახადების გადამხდელთა დოლარების გაგზავნა. მაგრამ თუ ევროპელებს სურთ, რომ ჩაერთონ და რეალურად შეიძინონ იარაღი ამერიკელი მწარმოებლებისგან, ჩვენ ამის წინააღმდეგი არ ვართ. თუმცა, ჩვენ აღარ ვაპირებთ ამის დაფინანსებას“, – დასძინა ჯეი დი ვენსმა.
“Americans, I think, are sick of continuing to send their money, their tax dollars,” says @VP on weapons for Ukraine.
“If the Europeans want to step up and actually buy the weapons from American producers, we’re OK with that — but we’re not going to fund it ourselves anymore.” pic.twitter.com/hP3SvbOgap
— Rapid Response 47 (@RapidResponse47) August 10, 2025