ისტორიაში პირველად – პსჟ უეფას სუპერთასის გამარჯვებულია!
პარიზელებმა ტოტენჰემი პენალტების სერიაში დაამარცხეს და ზედიზედ მეორე ევროპული ტიტული მოიგეს.ევროპის სუპერთასზე პსჟ-მ პენალტების სერიაში “ტოტენჰემი” დაამარცხა და პირველად მოიპოვა ტიტული.
„პარი სენ ჟერმენმა“ თამაში ახალი მეკარით, დისკვალიფიცირებული ნევეშის გარეშე და შემტევი შემადგენლობით დაიწყო. თავიდან ფრთხილი, თანაბარი თამაში იყო, პირველი მომენტი „ტოტენჰემმა“ შექმნა, როდესაც რიშარილსონის დარტყმული ბურთი შევალიემ მოიგერია. პარიზულ გუნდს აშკარად ეტყობოდა, რომ მსოფლიოს საკლუბო ჩემპიონატზე მონაწილეობის გამო წინასასეზონო შეკრება გვიან დაიწყო, სპარინგი არ ჩაუტარებია, ფორმაში არ არის, მეტოქის კარზე სახიფათო იერიშების მიტანა უჭირდა და ვან დე ვენისგან გოლიც მიიღო.
მეორე ტაიმი ლონდონელთა შეტევებით დაიწყო და რომერომ თავით დალაშქრა შევალიეს კარი. პსჟ თამაშის დალაგებას ვერ ახერხებდა, მწვრთნელმა ლუის ენრიკემ ჯერ კვარაცხელია ფაბიან რუისით, შემდეგ კი ბარკოლა, ზაირ-ემერი და დუე მბაიეთი, ლით და რამუშით შეცვალა. ცვლილებებმა გაამართლა, ლიმ და რამუშმა ვიკარიოს გაუტანეს, ძირითადი დრო 2:2 დასრულდა, ხოლო პენალტების სერიაში პსჟ-მ იმარჯვა.
მომდევნო მატჩს პსჟ 17 აგვისტოს ჩაატარებს – ლიგა 1-ის პირველ ტურში გასვლაზე „ნანტს“ შეხვდება.
უდინე. „ფრიული“
პსჟ – ტოტენჰემი 2:2 (პენ 4:3)
გოლები: 0:1 ვან დე ვენი (39), 0:2 რომერო (48), 1:2 ლი (85), 2:2 რამუში (90+4)