“ერდოღანმა მადლობა გადაუხადა ქართულ საზოგადოებას, სახელმწიფოსა და ხელისუფლებას იმ პოზიციისთვის რაც დღეს საქართველოს აქვს”

ბატონ ერდოღანთან შეხვედრის დროს კიდევ ერთხელ დაფიქსირდა ჩვენს ქვეყნებს შორის ურთიერთობების სიმტკიცე, – განაცხადა მედიასთან „ხალხის ძალის“ აღმასრულებელმა მდივანმა გურამ მაჭარაშვილმა, ქართული დელეგაციის რეჯეფ თაიფ ერდოღანთან შეხვედრის თემაზე კომენტირებისას.

მისი თქმით, ეს შეხვედრა იყო ძალიან კარგი იმისათვის, რომ მომავალში საქართველოსა და თურქეთს შორის სტრატეგიული ურთიერთობები კიდევ უფრო გაუმჯობესდეს.

„მან მადლობა გადაუხადა საქართველოს საზოგადოებას, სახელმწიფოსა და ხელისუფლებას იმ ძალიან კარგი პოზიციისთვის, რაც დღეს საქართველოს აქვს. შესაბამისად, ეს შეხვედრა იყო ძალიან კარგი იმისათვის, რომ მომავალში საქართველოსა და თურქეთს შორის სტრატეგიული ურთიერთობები კიდევ უფრო გაუმჯობესდეს“, – აღნიშნა გურამ მაჭარაშვილმა.