მინიმუმ უხერხულია კლდიაშვილისგან ამგვარი ქმედებები თან ილაშქრებ სახელმწიფოს წინააღმდეგ და თან არს არ ამბობ იმ სიკეთეებზე, რაც შეიძლება, მიიღო ამავე ხელისუფლების სწორი ეკონომიკური პოლიტიკიდან,- განაცხადა ვროპასთან ინტეგრაციის საპარლამენტო კომიტეტის თავმჯდომარემ ლევან მახაშვილმა IDFI-ს ხელმძღვანელის სკანდალთან დაკავშირებით.
„ერთი მხრივ ილაშქრებ სახელმწიფოს წინააღმდეგ და მეორე მხრივ, არცერთი წამით უარს არ ამბობ იმ სიკეთეებზე, რაც შეიძლება მიიღო ამავე ხელისუფლების სწორი ეკონომიკური პოლიტიკიდან. ამიტომ, მინიმუმ უხერხულია მისგან ამგვარი ქმედებები. რაც შეეხება სხვა არასამთავრობოებს, მგელი მგლის ტყავს არ დახევსო, როგორც იტყვიან. არ არის მათგან გასაკვირი, რომ არაერთი ძალიან ცუდი შეცდომის მიუხედავად, ისინი მაინც აგრძელებენ ერთმანეთის მსგავსი ნაბიჯების დაფარვას. მე არ გამიკვირდება, რომ თუ უფრო სიღრმისეულად შევისწავლით ამ არასამთავრობო ორგანიზაციების ხელმძღვანელების საქმიანობებს, მათ აქვთ ან ექნებოდათ ამა თუ იმ ფორმით სხვადასხვა მხარდაჭერა და დაფინანსება“,- განაცხადა მახაშვილმა.
IDFI-ს სკანდალიდან მესამე დღეს „ენჯეოები“ ისევ დუმილს ინარჩუნებენ. არასამთავრობო ორგანიზაციის ხელმძღვანელის, გიორგი კლდიაშვილის რუსეთის მოქალაქეებთან ბიზნეს თანამშრომლობაზე არცერთი მათგანი კომენტარს არ აკეთებს.
„იმედინიუსისთვის“ ცნობილი გახდა, რომ გიორგი კლდიაშვილს ბიზნესი აქვს რუსეთის მოქალაქეებთან, გიორგი როჩიკაშვილთან და დავით სპარსიაშვილთან ერთად, კერძოდ, ამ პირებთან ერთად, კლდიაშვილი შპს „ქვევრების“ დაფუძნებელია და კომპანიის 32.32 პროცენტს ფოლობს, გიორგი როჩიკაშვილი 26.2 პროცენტს, ხოლო, დავით სპარსიაშვილი – 5.5 პროცენტს.