ევროკავშირის უმაღლესი წარმომადგენლის განცხადებით, ევროპა რუსეთის წინააღმდეგ მორიგი, სანქციების მე-19 პაკეტის დაწესებას განიხილავს.
როგორც კალასმა განაცხადა, მე-19 პაკეტი, შესაძლოა, მოიცავდეს ენერგეტიკულ სფეროსა და ფინანსურ მომსახურებაზე ახალ შეზღუდვებს.
კალასის ცნობით, ევროკავშირი ამერიკის მსგავსად, რუსეთთან მოვაჭრე ქვეყნებისთვის მეორადი სანქციების დაწესებას არ გამორიცხავს.
„ჩვენ შემდეგ პაკეტზე ვმუშაობთ და ამ მომენტისთვის მაგიდაზე რამდენიმე ვარიანტი დევს. რა თქმა უნდა, ისინი [რუსები] ძალიან დაზარალდებიან ნებისმიერი სანქციებით ენერგეტიკულ სექტორში და ყველა მეორადი სანქციით, ისეთით, როგორიც ამერიკელებმა შემოიღეს, და აგრეთვე შეზღუდვებით ფინანსურ მომსახურებაზე, რომელიც მათ ფაქტობრივად უკრძალავს წვდომას კაპიტალზე, რაც მათ ძალიან სჭირდებათ“, – თქვა კალასმა.