ევროკომისიის აღმასრულებელმა ვიცე-პრეზიდენტმა, ტერესა რიბეირამ განაცხადა, რომ ევროკავშირმა უნდა გადახედოს აშშ-თან სავაჭრო შეთანხმებას, თუ პრეზიდენტი დონალდ ტრამპი შეასრულებს მუქარას და ბლოკს ტექნოლოგიური რეგულაციების გამო დასჯის.
მისი თქმით, ევროკავშირი უნდა იყოს „გაბედული“ და „თავი აარიდოს სხვების ინტერესებს დაქვემდებარების ცდუნებას“ მისი ისეთი მნიშვნელოვანი კანონების შესუსტებით, როგორიცაა ციფრული სერვისებისა და ციფრული ბაზრების აქტები, რომლებიც ტრამპის თავდასხმის სამიზნე გახდა.
ეს განცხადება ტრამპის მიერ გაჟღერებულ მუქარას მოჰყვა, რომლის მიხედვითაც, ის ტარიფებს და სხვა შეზღუდვებს დაუწესებს იმ ქვეყნებს, რომელთა ციფრული რეგულაციები ამერიკულ კომპანიებს „დისკრიმინაციას“ უწევს.
„ჩვენ არ შეგვიძლია ჩვენი ღირებულებებით თამაში მხოლოდ იმისთვის, რომ სხვების შეშფოთება გავითვალისწინოთ“, – დასძინა ტერესა რიბეირამ.