უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინას სურს მიიღოს „იურიდიულად სავალდებულო უსაფრთხოების გარანტიები“.
მისი თქმით, უკრაინას არ სურს ისეთი დოკუმენტები, როგორიცაა ბუდაპეშტის მემორანდუმი ან მინსკის შეთანხმებები.
„ჩვენ გვინდა დოკუმენტები, სერიოზული დოკუმენტები“, – აღნიშნა ზელენსკიმ და დასძინა, რომ სურს, ევროპული ქვეყნების პარლამენტებმა და ამერიკის კონგრესმა მხარი დაუჭირონ უსაფრთხოების ამ გარანტიებს.
მისი თქმით, არსებობენ ქვეყნები, რომლებიც მზად არიან უკრაინაში ჯარები განათავსონ, ცეცხლის შეწყვეტის ან სამშვიდობო შეთანხმების შემთხვევაში, რათა თავიდან აიცილონ რუსეთის ახალი შეტევები.
პრეზიდენტმა ასევე აღნიშნა, რომ უკრაინა პარტნიორებს უსაფრთხოების გარანტიების საკუთარ ხედვასაც წარუდგენს.
კომენტარები