საგარეო საქმეთა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა, რომ რუსეთის ცენტრალური ბანკის აქტივები, რომლებიც ევროკავშირის ტერიტორიაზეა გაყინული, არ შეიძლება დაუბრუნდეს რუსეთს მანამ, სანამ ის უკრაინას ომით მიყენებულ ზარალს არ აუნაზღაურებს.
მისი განცხადებით, რუსეთი მშვიდობისკენ არ ისწრაფვის, მიუხედავად იმისა, რომ დიპლომატიური ძალისხმევა აქტიურად მიმდინარეობს.
„ჩვენ არ შეგვიძლია წარმოვიდგინოთ, რომ ზავის ან სამშვიდობო შეთანხმების შემთხვევაში, ეს აქტივები რუსეთს დაუბრუნდება, თუ მან უკრაინას რეპარაციები არ გადაუხადა“, – განაცხადა კალასმა.
მან ასევე აღნიშნა, რომ ამ საკითხს გარკვეული „სენსიტიური ასპექტები“ ახლავს, თუმცა მისი აზრით, საჭიროა არგუმენტირებული დისკუსია, რათა შემუშავდეს სტრატეგია.
კომენტარები