უნგრეთი არ დაუჭერს მხარს უკრაინაში ევროკავშის სამხედრო ოპერაციას, – ამის შესახებ უნგრეთის საგარეო საქმეთა მინისტრმა, პეტერ სიიარტომ სოციალურ ქსელში დაწერა.
სიიარტო დღეს კოპენჰაგენში მიმდინარე ევროკავშირის წევრი ქვეყნების საგარეო საქმეთა მინისტრების არაფორმალურ შეხვედრაში მონაწილეობს.
სიიარტოს განცხადებით, უნგრეთი არ დაუჭერს მხარს უკრაინაში ევროკავშირის სამხედრო ოპერაციას, ისევე როგორც არცერთ სხვა გადაწყვეტილებას, რომელიც ხელს შეუშლის მშვიდობიან დარეგულირებას.
„ვფიქრობ, დღეს ისინი შეეცდებიან ჩვენი წინააღმდეგობის და ჩვენი მშვიდობის მხარდამჭერი პოზიციის გატეხვას. ცხადია, ისინი შეეცდებიან, თავს მოგვახვიონ უკრაინის ახალი ფინანსური ტრანსფერები და იარაღის მიწოდება უკრაინისთვის. ისინი შეეცდებიან, უკრაინას ევროკავშირისკენ უბიძგონ. მათ სურთ ევროკავშირის სამხედრო ოპერაციის შესახებ გადაწყვეტილების მიღება, მაგრამ ჩვენ არ დავუჭერთ მხარს არცერთ გადაწყვეტილებას, რომელიც ეწინააღმდეგება უნგრეთის ინტერესებს და ხელს შეუშლის სამშვიდობო პროცესს“, – აცხადებს სიიარტო.