რუსეთის პრეზიდენტმა, ვლადიმერ პუტინმა და სომხეთის პრემიერ-მინისტრმა, ნიკოლ ფაშინიანმა შანხაის თანამშრომლობის ორგანიზაციის სამიტის ფარგლებში ორმხრივი შეხვედრა გამართეს.
როგორც რუსული მედია წერს, ვლადიმერ პუტინმა აუდიენციის დაწყებამდე განაცხადა, რომ ნაყოფიერ შეხვედრას ელოდება.
„მოხარული ვართ თქვენი ხილვით და დღევანდელი სამიტის ფარგლებში მოლაპარაკების შესაძლებლობით. დიდი ხანია, არ შევხვედრილვართ, დაგროვდა მრავალი საკითხი, ორმხრივი, რეგიონალური, საერთაშორისო. ვიმედოვნებ, დღევანდელი შეხვედრა იქნება სასარგებლო და არსობრივი“, – განაცხადა პუტინმა შეხვედრის დაწყებისას.
თავის მხრივ, სომხეთის პრემიერმა განაცხადა, რომ მოხარულია ვლადიმერ პუტინთან დიალოგის შესაძლებლობით.
„მოხარული ვარ იმ პარტნიორობისა და დიალოგის, რომელიც ჩვენ შორის განვითარდა – ჩვენი პირადი დიალოგის და, რა თქმა უნდა, ჩვენს მოძმე ქვეყნებთან ძალიან აქტიური დიალოგის“, – აღნიშნავს ფაშინიანი.