ისრაელის თავდაცვითი ძალების გენერალური შტაბის უფროსმა, ეიალ ზამირმა რეზერვისტებთან შეხვედრისას განაცხადა, რომ ისრაელი „ჰამასის“ სრულად დამარცხებამდე ომს არ შეაჩერებს.
„ჩვენ ომს მანამ არ შევწყვეტთ, სანამ ამ მტერს არ დავამარცხებთ“, – განაცხადა ზამირმა და ხაზგასმით აღნიშნა, რომ ღაზის სექტორში მიმდინარე ოპერაციები გაძლიერდება და გაფართოვდება.
„ჩვენ მათ ვურტყამთ და ვამარცხებთ. ჩვენ ოპერაციებს მთელ ახლო აღმოსავლეთში ვატარებთ. „ჰამასს“ ჩვენგან დასამალი ადგილი არ ექნება. სადაც არ უნდა ვიპოვოთ ისინი, იქნება ეს მაღალი თუ დაბალი რანგის ფიგურა – ჩვენ ყველას, ნებისმიერ დროს ვურტყამთ“, – დასძინა მან.
კომენტარები