აშშ-ის პრეზიდენტის, დონალდ ტრამპის განცხადება რუსეთის, ჩინეთისა და ჩრდილოეთ კორეის მიერ აშშ-ის წინააღმდეგ სავარაუდო შეთქმულების მოწყობის შესახებ, ირონიული იყო, – ამის შესახებ რუსეთის პრეზიდენტის თანაშემწემ, იური უშაკოვმა განაცხადა.
„ვფიქრობ, დონალდ ტრამპმა ირონიულად თქვა, თითქოს „ეს სამი“ ამზადებდა შეთქმულებას შეერთებული შტატების წინააღმდეგ“, – განაცხადა უშაკოვმა.
რუსეთის პრეზიდენტის თანაშემწემ აღნიშნა, რომ არანაირი შეთქმულება არ მზადდება.
„მინდა, ვთქვა, რომ არავინ არანაირ შეთქმულებას არ აწყობდა, ამაზე არცერთ ლიდერს არც კი უფიქრია“, – განაცხადა უშაკოვმა.
შეგახსენებთ, აშშ-ის პრეზიდენტმა, დონალდ ტრამპმა სოციალურ ქსელში დაწერა: „დაე, პრეზიდენტმა სი ძინპინმა და ჩინეთის შესანიშნავმა ხალხმა დიდებული და ხანგრძლივი ზეიმის დღე აღნიშნონ. გადაეცით თბილი მოკითხვა ვლადიმერ პუტინსა და კიმ ჩენ ინს, როცა თქვენ ამერიკის შეერთებული შტატების წინააღმდეგ შეთქმულებას აწყობთ“.