„სპარტანის“ თვითმფრინავი, რომლის ბორტზეც ლიეტუვის პრეზიდენტი იმყოფებოდა, გარკვეული დროის განმავლობაში ვილნიუსის აეროპორტში დაშვებას ვერ ახერხებდა.
აღნიშნულის მიზეზი გახდა გავრცელებული ინფორმაცია, რომლის მიხედვითაც, საჰაერო სივრცეში, სავარაუდოდ, უცნობი დრონი იყო დაფიქსირებული.
ამის შესახებ „ევროპეისკაია პრავდა“ პრეზიდენტ გიტანას ნაუსედას პრესსპიკერზე, ტომას ბერზინსკასზე დაყრდნობით ავრცელებს ინფორმაციას.
„ვილნიუსის აეროპორტთან მიახლოებისას გავრცელდა ინფორმაცია დრონისა და დაშვების საშიშროების შესახებ. პილოტებმა უსაფრთხოების ყველა ზომა მიიღეს და გარკვეული დროის შემდეგ დაეშვნენ“, – აცხადებს ტომას ბერზინსკა.
ირკვევა, რომ დრონის შესახებ ინფორმაცია ლიეტუვის საავიაციო უსაფრთხოების სამსახურიდან გავრცელდა. Flightradar24-ის ინფორმაციით, გიტანას ნაუსედას თვითმფრინავმა, რომელიც ჰელსინკიდან ადგილობრივი დროით 19:10 საათზე აფრინდა, ვილნიუსის აეროპორტში დაშვება ორი საათის შემდეგ შეძლო.