რუსეთის პრეზიდენტის, ვლადიმერ პუტინის განცხადებით, ნატო-ს ჯარები უკრაინის ტერიტორიაზე თუ გამოჩნდებიან, სავარაუდოდ რუსეთის ლეგიტიმური სამიზნე გახდებიან.
„რაც შეეხება შესაძლო სამხედრო კონტინგენტს უკრაინაში, ეს არის ერთ-ერთი მთავარი მიზეზი უკრაინის ნატო-ში ჩაბმისა. ამიტომ, იქ რაიმე ჯარები თუ გამოჩნდება, განსაკუთრებით ახლა, საბრძოლო მოქმედებების დროს, ვვარაუდობთ, რომ ისინი იქნებიან ლეგიტიმური სამიზნე მათი განადგურებისთვის“, – განაცხადა პუტინმა.
ამასთან, პუტინმა უკრაინის ევროკავშირში გაწევრიანების სურვილს ქვეყნის ლეგიტიმური არჩევანი უწოდა.
„მართლაც, უკრაინამ დაისახა ამოცანა – ევროკავშირში გაწევრიანება. კიდევ ერთხელ ვიმეორებ, ეს არის უკრაინის ლეგიტიმური არჩევანი, როგორ ააშენოს თავისი საერთაშორისო ურთიერთობები, როგორ უზრუნველყოს თავისი ინტერესები ეკონომიკურ სფეროში, ვისთან შევიდეს ალიანსში“, – განაცხადა პუტინმა.
რუსეთის პრეზიდენტმა აღნიშნა, რომ უკრაინის ნატო-ში გაწევრიანებას ეწინააღმდეგება.
„ადრე, იანუკოვიჩის მმართველობის დროს, ისინი ეწინააღმდეგებოდნენ უკრაინის ნატო-ში ჩართვას, რადგან ეს საკითხი უშუალოდ ეხებოდა და ახლაც ეხება რუსეთის გრძელვადიან უსაფრთხოების ინტერესებს“, – განაცხადა პუტინმა.