კიევი აცნობიერებს, რომ ამჟამად სამხედრო გზით რუსეთის მიერ დაკავებული ყველა ტერიტორიის გათავისუფლება შეუძლებელია. ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმა იაპონიის საზოგადოებრივ მაუწყებელთან NHK-სთან ინტერვიუში განაცხადა.
როგორც პოდოლიაკმა აღნიშნა, უკრაინა უნდა იყოს რეალისტი. მისი თქმით, ცეცხლის შეწყვეტის ერთ-ერთი სცენარი შესაძლოა ,ფრონტის ხაზის გაყინვა იყოს.
„ზელენსკიმ ხაზგასმით აღნიშნა, რომ უკრაინა უნდა იყოს რეალისტი. ზელენსკის თქმით, ქვეყანა აცნობიერებს, რომ ამჟამად, მოცემულ გარემოებებში შეუძლებელია რუსეთის მიერ დაკავებული ყველა ტერიტორიის სამხედრო გზით გათავისუფლება“, – აღნიშნა პოდოლიაკმა.
ინტერვიუში უკრაინის პრეზიდენტის ოფისის ხელმძღვანელის მრჩეველმა ასევე გამორიცხა მოხდება რომელიმე უკრაინული ტერიტორიის რუსეთის ნაწილად აღიარება. რაც შეეხება უკრაინის უსაფრთხოების გარანტიებს, პოდოლიაკი მიიჩნევს, რომ უკრაინაში უცხოური კონტინგენტის განთავსებასთან ერთად, უნდა მოქმედებდეს სამართლებრივი მექანიზმი, რომლითაც დაუყოვნებლივ დაწესდება სანქციები, თუ რუსეთი ისევ წამოიწყებს აგრესიას.