ვინ მისცემს კიევს უსაფრთხოების გარანტიებს და როდის დასრულდება ომი, რომელიც სამი წელია გრძელდება? ევროპაში სულ უფრო მეტად მცირდება იმ სახელმწიფოების რაოდენობა, რომლებიც უკრაინაში ომის დასრულების შემდეგ ჯარების გაგზავნას ემხრობიან.
პარალელურად, დონალდ ტრამპი ამბობს, რომ უსაფრთხოების დაცვის პროცესში მთავარი როლი სწორედ ევროკავშირმა უნდა შეასრულო.
“ამერიკის შეერთებული შტატები აგრძელებს მუშაობას უკრაინის უსაფრთხოების გარანტიებზე. ამ საკითხს აუცილებლად მოვაგვარებთ. გვინდა ადამიანების სიცოცხლის გადარჩენა, ხალხი ელოდება, რომ მათ დავეხმარებით. ევროპა, რა თქმა უნდა, ამ პროცესში ნომერ პირველი იქნება და მათ სურთ, რომ პირველები იყვნენ. მათ ასევე სურთ, რომ ეს ომი დასრულდეს. ეს დასრულდება. ყველაფერი უცებ დალაგდება, ნახავთ”, – აცხადებს დონალდ ტრამპი.
კომენტარები