„ქართული ოცნების“ საკრებულოს მაჟორიტარობის კანდიდატი აეროპორტის დასახლების მცხოვრებლებს შეხვდა. მამუკა ხაბარელი ადგილობრივებს, მიმდინარე პროექტებისა და სამომავლო გეგმებზე ესაუბრა.
დასახლებაში დაწყებულია სკვერის მოწყობა, შენდება ახალი სკოლა და სპორტული დარბაზი.
მამუკა ხაბარელის თქმით, მოსახლეობის საჭიროებებზე ზრუნვა, მათთან აქტიური კომუნიკაციით გაგრძელდება.
„გავეცანით მოსახლეობის საჭიროებებს, მათ შეხედულებებს. ისინი ძალიან დიდ მადლიერებას გამოხატავენ იმ შესრულებული საქმეებისთვის, რაც ბოლო წლებში გაკეთდა, თუმცა რა თქმა უნდა, არსებობს გარკვეული პრობლემატური საკითხები, რომელსაც ეტაპობრივად აუცილებლად დავძლევთ. აეროპორტის დასახლებაში შენდება სრულიად ახალი, ძალიან დიდი მოცულობის სკვერი, ასევე სპორტული დარბაზი. მიმდინარეობს სკოლის მშენებლობა და ძალიან მნიშვნელოვანი სხვა ინფრასტრუქტურული პროექტები“, – განაცხადა ხაბარელმა.