ლატვიაში დაკარგული კანადელი სამხედრო გარდაცვლილი იპოვეს, – ამის შესახებ ინფორმაცია კანადის შეიარაღებული ძალებმა გაავრცელა. სამხედრო მოსამსახურე ჯორჯ ჰოლი, რომელიც ლატვიაში ნატო-ს აღმოსავლეთ ფლანგის განმტკიცების ოპერაციაში მონაწილეობდა, 2 სექტემბრიდან უგზო-უკვლოდ დაკარგულად ითვლებოდა.
როგორც ოფიციალურ განცხადებაშია აღნიშნული, მისი ცხედარი 5 სექტემბერს იპოვეს.
ჰოლის სიკვდილის მიზეზების გამოძიება ამ ეტაპზე დასრულებული არ არის. ლატვიის ხელისუფლებას ამ კუთხით კანადის შეიარაღებული ძალების წარმომადგენლები ეხმარებიან.
როგორც კანადაში აცხადებენ, ჯერ არ არსებობს რაიმე ნიშანი, რომ ამ ინციდენტის გამო ლატვიაში კანადის ძალებს რაიმე საფრთხე ემუქრებათ.
ოპერაცია REASSURANCE-ს ფარგლებში ლატვიაში კანადის 2000 სამხედრო იმყოფება, რომლებიც ხელმძღვანელობენ ნატო-ს ტერიტორიის რუსეთის აგრესიისგან შეკავებისთვის ადგილზე მოქმედ საერთაშორისო ძალებს.