რუსეთმა კიდევ ერთხელ დაარტყა უკრაინას ასობით დრონითა და ათეულობით რაკეტით, განურჩევლად მიიტანა დარტყმები, მათ შორის საცხოვრებელ კვარტლებსა და მთავრობის შენობაზე. ჩემი გულწრფელი თანაგრძნობა მსხვერპლს, მათ ახლობლებს, უკრაინასა და უკრაინის ხალხს, – ამის შესახებ საფრანგეთის პრეზიდენტი ემანუელ მაკრონი სოციალურ ქსელში წერს.
მისი თქმით, საფრანგეთი უკრაინის გვერდით დგას.
„უკრაინასთან და ჩვენს პარტნიორებთან ერთად ჩვენ ვდგავართ მშვიდობის მხარეს. რუსეთი კი სულ უფრო ღრმად იკეტება ომისა და ტერორის ლოგიკაში. უკრაინის გვერდით ჩვენ გავაკეთებთ ყველაფერს, რომ დამკვიდრდეს სამართლიანი და მდგრადი მშვიდობა“, – წერს მაკრონი.
რუსეთმა 7 სექტემბერს მასშტაბური საჰაერო შეტევა განახორციელა უკრაინაზე რაკეტებითა და დრონებით. ადგილობრივი ხელისუფლების ცნობით, აფეთქებების ხმა ისმოდა კიევში, დნეპრში, ოდესაში, ზაპოროჟიეში, კრემენჩუგსა და კრივოი როგში.
