კატარის დედაქალაქ დოჰაში აფეთქება მოხდა, რაც „ჰამასის“ ხელმძღვანელობაზე თავდასხმას უკავშირდება. ამის შესახებ ისრაელის ოფიციალურმა პირმა Axios-ის ჟურნალისტს განუცხადა. „როიტერთან“ საუბარში ანონიმურმა წყარომ განაცხადა, რომ ქალაქში რამდენიმე აფეთქების ხმა გაისმა.
როგორც მედია წერს, თვითმხილველის თქმით, დედაქალაქის ერთ-ერთ რაიონში კვამლი ჩანს.
ისრაელის სამხედრო ძალებში აცხადებენ, რომ „ჰამასის“ ხელმძღვანელობის წინააღმდეგ ზუსტი დარტყმა განხორციელდა.
„ჩატარდა ზუსტი დარტყმა ჰამასის ტერორისტული ორგანიზაციის უმაღლესი ხელმძღვანელობის წინააღმდეგ. დარტყმამდე მიღებული იყო ზომები, რათა შემცირებულიყო მშვიდობიანი მოსახლეობის დაზიანების რისკი, მათ შორის გამოყენებული იყო ზუსტი საბრძოლო მასალები და დამატებითი დაზვერვითი ინფორმაცია“, – ნათქვამია განცხადებაში.
კომენტარები