ნატო რუსული უპილოტო საფრენი აპარატებით პოლონეთის საჰაერო სივრცის დარღვევას ალიანსზე თავდასხმად არ განიხილავს. ინფორმაციას Reuters-ი ნატოს მაღალჩინოსანზე დაყრდნობით ავრცელებს.
ამის მიუხედავად, წყაროს ცნობით, პირველადი მონაცემები მიუთითებს იმაზე, რომ ექვსიდან ათამდე რუსული დრონი პოლონეთის საჰაერო სივრცეში განზრახ შეიჭრა.
„ეს იყო პირველი შემთხვევა, როცა ნატოს თვითმფრინავებმა იერიში მიიტანეს პოტენციურად საფრთხის შემცველ ობიექტებზე მოკავშირის საჰაერო სივრცეში“, – ციტირებს Reuters-ი წყაროს, რომელმაც აგრეთვე დასძინა, რომ ნატოს Patriot-ის ტიპის ჰაერსაწინააღმდეგო სისტემებმა რადარების მეშვეობით დრონები აღმოაჩინეს, თუმცა მათ წინააღმდეგ არ იმოქმედეს.
კომენტარები